ආසියාවේ ආශ්චර්යයෙන් බිඳක්

ලෝකෙන් උතුම් රට                      ලංකාවයි

එහෙමයි අපි ඉගෙන ගත්තේ ඒ             කාලේ

වෙනස් උනේ අපේ රටේ              චින්තනයයි

ආශ්චර්ය දැන් අපිමයි                   ආසියාවේ

 

cricket කිරුල දිනා ගන්න ඉවසුවා පහලොස්         වසරක්

 මෙවර sure අපිට ඉන්නේ සුපිරි cricket බෝඩ්       එකක්

අලුතින් තණතිලි හදලා දැන්මට ලොකු ෂෝස්       ටිකක්

පඩි ගෙවන්න සල්ලි නෑලු මේක                   ආශ්චර්යයක්

යුද්දේ කරලා දිනුව අපිට මුදල් ඉතිරි         වේ

 ඒ මුදලින් රට තව තව හොදට දියුණු        වේ

එහෙම කියපු මෙරටට දැන් මොකක්ද සිදු  වේ

ආශ්චර්යකින් රුපියල දස අත පා              වේ

තිස් ගණනක් වැඩි කලාට ලාම්පු තෙල්     බෝතලය

 විය යුතු නෑ අප ඔබ කිසිවිට                     කලබලය

තෙල් කුමටද සැම තැන නිසිලෙස ඇත විදුලිය     බලය

ආශ්චර්ය මගේ රටයි මේ මුලු                   මිහිතලය

 

බස් ගාස්තු වැඩි උනාට පැය                     විසිහතරෙන්

 දුප්පතාට දැනෙන්නේ නැත එය කිසි               විටකින්

ඇගට පතට නොදැනී අර වැඩිකල               12%    න්

 දුප්පත් අය කාරෙකෙ යයි                       ආශ්චර්යකින්

අපේ පාර හදන්නෑනෙ මාර                      කරුමයක්

ජනපතිදුත් හෙට එනවලු දෙයි බැණුම්          ගොඩක්

රෑ පහන්ව එලිවන විට දුටිමි                      අරුමයක්

අපේ ගමේ නව පාරක්                          ආශ්චර්යයක්

 

ලීවා සිසුන් උසස් පෙලට සිය දහසක්        ගණනින්

Results දෙන්න සිදු වූයේ නව සිලබස්       දෙකකින්

අරවා කරලා මෙව්වා කරලා දාපු              සූත්‍රයකින්

Z දෙකම එකතු කලේ                       ආශ්චර්යයකින්

 

සමත් උනත් බොහෝ සිසුන් යන්නට        සරසවිය

ඉඩ මදිවලු සරසවි අපෙ ගන්න සිසුන්            වැඩිය

එහෙම කියලා දැක්කද ඔබ ඔවුන් කරපු          හරිය

විදෙස් සිසුන් මෙහෙන් ගනියි DEGREE    ආශ්චර්ය